Hollandiyanın baş naziri Mark Rutte türkiyəli həmkarı Binəli Yıldırma zəng edərək Roterdamdakı hadisələrlə bağlı üzr istəyib. Bu barədə ictimaiyyətə Türkiyənin baş naziri Binəli Yıldırım məlumat verib.

"Habertürk" qəzeti isə yazır ki, Ruttenin sözçüsü Yıldırımın açıqlamasına münasibət bildirərkən bunları deyib: "Bu vəziyyət (Müvəqqəti işlər üzrə vəkil və baş konsulun saxlanılması) polisin onları tanıya bilməməsi səbəbindən baş verib. Diplomat olduqları dəqiqləşdikdən dərhal sonra sərbəst buraxılıblar. Baş nazir Rutte, şənbə günü axşam Baş nazir Yıldırımla telefon danışığında Hollandiyanın bu məsələni araşdıracağını bildirmişdi. Bu araşdırmadan sonra Hollandiyanın Vyana Müqaviləsinə zidd rəftar etməsi dəqiqləşsə, buna görə təəssüf etdiyimizi bildirmək istərdik".