Almaniyada sol yönümlü partiya qrup başqanı Sahra Wagenknecht Türkiyə prezidenti Rəcəb Tayyp Ərdoğan barəsində sərt ifadələr işlədib. Belə ki, Almaniya Federal Məclisinin deputatı Ərdoğanın ölkəsi barəsində tənqidi çıxışına, "Bunu bir terrorçu deyir",-deyə cavab verib.

Türkiyə prezidentinin "Belə davam edərsə, heç bir avropalı inamla, sevinclə küçəyə addım ata bilməz" sözlərinə reaksiya verən Sahra Wagenknecht deyib ki, bu sözlərin müəllifi terrorçudur və ona başqa ad vermək olmaz: "Ərdoğan ölkə xaricində azlıqlar yaradaraq, daha sonra bu azlıqlar üzərindən öz zorakılıq, geosiyasi və şantaj siyasətini qurmağa çalışır".