Almaniya Türkiyə ilə münasibətlərin gərgin olduğu bir vaxtda Rusiya rəhbərliyi əleyhinə də bəyanatlar səsləndirib. Belə ki, ötən gün Moskvada anti-korrupsiya mitinqində 600-dən çox şəxsin həbsi Bundestaqda narazılıqla qarşılanıb.

"Deutsche Welle" qəzeti xəbər verir ki, Almaniya parlamentində hakim partiyanın sədr müavini İvan Fuksa bildirib ki, insan haqlarının təmin olunmadığı ölkədə heç bir dünya çempionatı keçirilə bilməz: "Beynəlxalq idman yarışlarında boykot müstəsna hallarda tətbiq olunmalıdır. Lakin Rusiya artıq birinci dəfə deyil ki, təhlükəli istiqamətdə hərəkət edir. Beynəlxalq hüquq və insan haqlarının pozulması isə tamamilə qəbuledilməz sayılır".

Bu arada Beynəlxalq Futbol Federasiyası Assosiasiyasının (FİFA) baş katibi Fatma Samur bildirib ki, 2018-ci ildə futbol üzrə dünya çempionatının Rusiyada keçirilməməsi üçün heç bir səbəb yoxdur.