ABŞ-ı Olimpiya oyunlarında təmsil edən ilk hicablı idmançı kimi tarixə düşən İbtihaj Məhəmməd Ağ Ev rəhbəri Donald Trampa məktub yazaraq ölkədə son dövrlər artan İslamofobiya və miqrantlara qarşı basqıya diqqət çəkib. Rio Olimpiadasında bürünc medal qazanan qılıncoynadan İtihaj Məhəmməd, ABŞ-da azadlıq və ədalət adı altında aparılan terror kampaniyalarından qorxduğunu dilə gətirib.

Amerikalı idmançının Trampa ünvanladığı məktub "Time" jurnalında dərc olunub: "ABŞda yaradılan atmosfer cəmiyyətdə ədalət və bərabərlik prinsiplərinə zərbə vurur. Siz mühacirləri terrorun qurbanları deyil, terrorun qaynağı olaraq görürsünüz. Siz, "Fikrimcə, İslam bizdən nifrət edir" ifadəsini işlətmisiniz. Bu təkcə səhv deyil, eyni zamanda qorxu və nifrətlə yanaşı, ibadət yerlərimizə və müsəlmanlara qarşı şiddəti də artırır. 3 milyon amerikalı müsəlman uşaqlarımızı öyrədir, xəstələrimizi müalicə edir, cəbhədə döyüşür və hücumlarınıza baxmayaraq bütün amerikalıların təhlükəsizliyini təmin etmək üçün ön sıralarda qürurla iştirak edir. İnancım mənə daha az şanslı şəxslərə kömək etməyimi və haqsızlığa qarşı danışmağı söyləyir.",-deyə İbtihaj Məhəmmədin Donald Trampa ünvanladığı məktubda deyilir.