ABŞ prezidentliyinə keçmiş namizəd Hillari Klinton 2013-ci ildən bəri ABŞ dövlət katibliyi vəzifəsindən getsə də,  məxfi informasiyaya çıxışı olub.

Bu barədə Ayova ştatının respublikaçı senatoru Çak Qrassli məlumat verib.

Respublikaçı senator bildirib ki, Hillari Klinton 2015-ci ilin aprelində ABŞ prezidentliyinə namizədliyini irəli sürərkən onun keçmiş 6 köməkçisinin məxfi məlumatlara çıxışı olub. 

Qrasslinin açıqlamasına görə, Klintonun köməkçiləri onun xatirələri üzərində işlədiklərini bəhanə edərək məxfi informasiyaya giriş əldə ediblər.

"Mövcud problemlə əlaqədar dəfələrlə Dövlət Departamentinə müraciət etsəm də, Obama administrasiyası mənim müraciətlərimə cavab verməkdən imtina edib", "Fox News" nəşrinin Qrasslinin ABŞ-ın hazırkı dövlət katibi olan Reks Tollersona ünvanladığı müraciətin mətnindən belə yazılıb.

Senator qeyd edib ki, Reks Tillersonun keçmiş sələfi Con Kerri onun buna oxşar iki müraciətini cavablandırmayıb. 

ABŞ senatının hüquq komitəsinə rəhbərlik edən Çak Qrassli, həmçinin "Federal Təhqiqatlar Bürosu"-nun direktorunun şikayətinə əsasən, 2015-ci ildən başlayaraq elan edib ki, Hillari Klinton başda olmaqla onun köməkçiləri məxfi məlumatların qorunmasında saymazyana münasibət sərgiləyiblər.

Daha öncə yayılan məlumatlarda göstərilirdi ki, Klinton məxfi sənədləri ifşa etmək üçün mütəmadi olaraq qulluqçusunun köməyindən istifadə edib.