Türkiyədə Gülənlə əlaqədar 113 min nəfər saxlanılıb

Tarix:3-04-2017, 10:49 Baxış Sayı:209

Türkiyədə çevriliş cəhdindən sonra ötən 8 ayda FETÖ ilə əlaqədə şübhəli bilinən 113 mindən artıq vətəndaş hüquq mühafizə orqanları tərəfindən saxlanılıb. Onların təqribən 50 min nəfəri həbsdədir.Bu barədə Türkiyənin DİN rəhbəri Süleyman Soylu xəbər verib.

«Həbs olunanlar arasında 10732 polis, 7643 hərbçi, 168 general, 2575 hakim və prokuror, 208 məmur və 26177 mülki vətəndaş var», - deyə Soylu bildirib.

Nazir vurğulayıb ki, hazırda Gülənlə əlaqədə şübhəli bilinən 47 min nəfər həbsdədir.

Ümumilikdə 113260 nəfər saxlanılıb: 65,36-sı sonradan azadlığa buraxılıb, onlardan da 41,5 minin hüquq mühafizəçilərin nəzarətindədir.

Nazir iddia edir ki, 863 nəfər qaçıb.

Xatırladaq ki, 2016-cı ilin iyulun 15-də Türkiyə Silahdlı Qüvvələrindən bir qrupp əskər və zabit dövlət çevrilişinə cəhd edib. Əsas qarşıdurma İstanbul və Ankarada yaşanıb. Ümumilikdə, qiyamçıları nəzərə almadan 246 nəfər həlak olub, 2 mindən artıq insan yaralanıb. Hökumət vəziyyəti nəzarətə ala bilir. Ankara qiyamın təşkilatçılığında, Güləni və onun tərəfdaşlarını ittiham edir. Bununla əlaqədar Türkiyə hökuməti «fətullahçılarla» əlaqədar minlərlə təşkilatı bağladı, həmçinin Dövlət Aparatın, orduda genişmiqyaslı təmizləmə əməliyyatlarına başladı. Bu günə kimi ölkə boyu müxtəlif strukturlarda yüz mindən artıq dövlət qulluqçusu işindən qoyulub, yaxud kənarlaşdırılıb. Gülənin Türkiyədə yaşayan qohumlarının əksəriyyəti həbs olunub. Gülənin özü hazırda ABŞ-dadır.

ŞƏRH YAZ