Rusiyanın Sankt-Peterburq şəhərindəki metroda terror aktı törədən 22 yaşlı Akbarjon Djalilovun yeni fotoları yayılıb. Bu şəkillər terrorçunun sosial şəbəkədəki səhifəsindən götürülüb .

Hüquq-mühafizə orqanlarındakı mənbə "Qazeta.ru"-ya təsdiqləyib ki, fotodakı Qırğızıstanın Oş şəhərindən olan Akbarjon Djalilovdur. Əslən özbək olan 1995-ci il təvəllüdlü Akbarjon sadəcə ailəsi ilə birgə özbəklərin kompakt yaşadığı Oş şəhərində yaşayırmış.

Akbarjon Djalilov 2015-ci ildə Sankt-Peterburqa işləmək üçün gəlib. O, şəhərdəki kafelərin birində aşpaz işləyirmiş. İş yoldaşları bir neçə ay bundan öncə Akbarjonun yoxa çıxdığını və Koreyaya işləmək üçün getməsinii eşitdiklərini bildiriblər.

Qeyd edək ki, 3 aprel, saat 14:40 radələrində Sankt-Peterburqdakı "Sennaya ploşad" və "Texnoloqiçeskiy institut-2" stansiyaları arasında hərəkət edən qatarda partlayış baş verib. Son məlumatlara görə, terrakt zamanı 14 nəfər dünyasını dəyişib.