Rusiya Federasiya Şurasının üzvü Vadim Tulpanov Sankt-Peterburqda bədbəxt hadisə nəticəsində dünyasını dəyişib. Bu barədə "İnterfaks"a şimal paytaxtının hüquq-mühafizə orqanlarındakı mənbə məlumat verib.
 
Mənbə bildirib ki, Vadim Tulpanov Kirovsk rayonunda hamamda yıxılaraq kəllə sümüyünü sındırıb. Siyasətçinin ölümü ilə əlaqədar hüquq-mühafizə orqanları araşdırmalara başlayıb.
 
Qeyd edək ki, 52 yaşlı Vadim Tulpanov 2003-2011-ci illərdə Sankt-Peterburqun qanunverici məclisinə rəhbərlik edib. O, 2011-ci ildən əvvəlcə Sankt-Peterburq şəhərindən, daha sonra isə Nen muxtar dairəsinidən Federasiya Şurasına üzv seçilib.