Koreya Xalq Demokratik Respublikası (KXDR) ABŞ donanmasının Suriya dövlətinə məxsus hərbi bazanı vurmasından sonra müdafiə qüvvələrini artırmaq qərarına gəlib. Bu barədə KXDR-in rəsmi agentliyi "KCNA" adı açıqlanmayan Xarici İşlər Nazirliyi rəsmisinə istinadən məlumat yayıb. Məlumata görə, Şimali Koreya rəhbərliyi ABŞ-ın Suriyadakı hərbi bazanı vurmasını rəsmi Pxenyana qarşı bir xəbərdarlıq hesab edir və bundan qətiyyən çəkinmir.

KXDR rəhbərliyi həmçinin ABŞ-ın davamlı olaraq təhdidləri, o cümlədən keçirdiyi hərbi təlim və keçirdiyi əməliyyatlar qarşısında hərbi gücünü artırmaq niyyətindədir. Şimali Koreya XİN-in sözçüsü həmçinin ölkənin malik olduğu nüvə başlıqlı raketlərin ABŞ-ın hücumlarına cavab üçün hər an hazır vəziyyətdə gözlədiyini də diqqətə çəkib.