BMT-nin stabillik yaratmaq üçün Haitidə yerləşdirdiyi sülhməramlılar 15 oktyabrda ölkəni birdəfəlik tərk edəcək. Bu qərar Təhlükəsizlik Şurasında qəbul olunub.
 
Haitidə sülhməramlı missiya yerinə yetirən hərbçilərin ölkədən çıxarılmasına səbəb isə onların azyaşlılara qarşı kütləvi surətdə təcavüz hallarına yol verməsidir. Minlərlə azyaşlı qız və oğlanlar, həmçinin qadınlar sülhməramlıların seksual qurbanına çevriliblər.
 
Haitidə təcavüz faktını ABŞ-ın BMT-dəki daimi nümayəndəsi Nikki Heyli də etiraf etməyə məcbur olub. O, Təhlükəsizlik Şurasında çıxış edərkən deyib: "Etiraf etməliyik ki, 12-15 yaşları arası kimsəsiz yarıac uşaqlar hər gün sülhməramlılar tərəfindən bişirilmiş şeylər və digər ərzaqla aldadılıblar. Bu yeməyə görə əvəz isə cinsi zorakılıq olub".