Qətərdə çevriliş ola bilər - TƏFƏRRÜATLAR

Tarix:19-04-2017, 12:47 Baxış Sayı:173

Qərb KİV-ləri Qətərdə hakim ailədə ciddi münaqişə barədə yazıb. Qalmaqal hazırkı hökumət başçısı Təmim bin Həmədin atası, sabiq əmir Həməd bin Xəlifə ilə qardaşı, həmçinin əmirin varisi Abdulla Bin Həməd Əl Tani arasında məxfi telefon danışığı barədə məlumatdan sonra yayılıb. Bu xəbər Tamim bin Həmədin qurumuna çatıb.

Al-Youm Al-Sabaa-nın məlumatına görə, Tamim bin Həməd bu problemə görə çox ciddi narahat olub. O, bu əlaqənin və informasiya mübadiləsinin Qətərdə hərbi çevrilişlə nəticələnə biləcəyindən qorxur. Həmədin oğlu ilə münasibətləri pis olduğundan, o, Hələdə Londondadır, Abdulla isə, yeni varis kimi Tamimin yerini tutmağa hazırlaşır.

Məlumatlara görə, Tamimi əsasən narahat edən odur ki, atası onu devirməyi planlaşdırmağa və digər oğlu Abdullanı hakimiyyətə gətirməyə nə dərəcədə qadirdirdir. Bununla əlaqədar Qətərdə hakim ailənin üzvləri arasında ciddi gərginlik və münaqişə yaranıb.

Hakimiyyət ailədə 3 tərəf arasında bölünüb: Tamim bin Həməd, onun əmisi, ölkənin təhlükəsizlik sistemində ciddi nüfuza malik Əl Sanad, həmçinin Qətərin sabiq əmiri şeyx Həməd bin Xəlifə arasında bölünüb. Sonuncu Dohada böyük nüfuza malikdir ki, bununla da ilk iki adıçəkilənin ovqatını təlx edir.

Məlumatlı mənbələr bildirir ki, Tamim toplantı çağırıb. Hakim ailə ilə bağlı bir sıra məsələləri müzakirə etmək üçün yığıncaqda qardaşı Abdulla və şeyxa Moza da iştirak edib.

Sübut olunub ki, Həməd bin Xəlifənin qayıtmasından sonra hakim ailədə gərgin münasibətlər barədə Qərb KİV-də dərc olunan məlumatlar həqiqətdir.

Mənbə bildirir ki, Həməd təzyiq vasitəsi ilə Qərb ölkələrinə Tamimə dəstək verməyi dayandırmağı və digər oğlu Abdullanı Qətər əmiri kimi tanımağa razı salmağa çalışır. Bu yaxınlarda o, Tamimin ərəb dövlətlərinini işinə müdaxiləsi, terrorizmə dəstəyi və ekstremist qrupların sponsorluğu barədə sənədi yayımlamışdı. O, həmçinin oğlunun səhhəti barədə arayış verərək, onun ciddi psixi stresdən əziyyət çəkdiyini deyib, hətta sarayda ixtisaslı tibb işçilərindən ibarət komanda toplanıb.

Mənbə iddia edir ki, əmir Həməd bin Xəlifə oğlu Tamimin terrorizmin sponsorluğunda əli olduğunu ifşa etmək üçün bir sıra Qərb qəzetlərinə pul ödəyib. Bütün məlumatlar göstərir ki, Qətər yeni çevrilişin astanasındadır, Tamimin qardaşı isə atasının dəstəyi ilə çevrilişin əsas faktoru olacaq.

Bildirilir ki, hakim ailədə nifaq barədə əsas sübutlardan biri budur ki, əmir Tamim ötən ay atasının Doxaya səfər barədə xahişini rədd edib. Ona imtina cavabı verməklə, atasına Londonda qalmağı xahiş edib.

Yeri gəlmişkən qeyd edək ki, Qətər əmirinin müavini şeyx Abdulla bin Həməd bin Xəlifə əl Tani 1988-ci ilin fevralın 9-da Dohada dünyaya gəlib. O, Qətərin sabiq əmiri şeyx Həməd bin Xəlifə əl Taninin 7-ci oğludur.

Abdulla Corctaun Universitetinin Beynəlxalq əlaqələr və siyasət fakültəsini bitirib. O, 2008-2012-ci illərdə «Əl-Rayan» idman klubuna rəhbərlik edib. 2011-ci ilin dekabrın 20-də əmirin əmri ilə o, ədliyyə naziri olub, 2014-cü ildə isə Tamimin əmri ilə onun müavini olub...

ŞƏRH YAZ