Samsunun İlkadım rayonunda narkotik aludəçisi Mustafa U. ilə həyat yoldaşı Fatma U. arasında çıxan mübahisə əlbəyaxa davaya çevrilib. Arda U. narkoman atası Mustafa U.-nu anası ilə mübahisə etdiyi üçün kürəyindən və qarnından bıçaqlayaraq ağır yaralayıb. Hadisədən sonra Arda U. saxlanılıb.
Sonxeber.az türk mediasına istinadən xəbər verir ki, Samsunun İlkadım rayonunda bufet işlədən narkoman Mustafa U. ilə həyat yoldaşı Fatma U. arasında çıxan mübahisə əlbəyaxa davaya çevrilib.
Cütlüyün qızı Tuğçe U. atasının gözünə bibər qazı vuraraq uzaqlaşdırıb. Oğlu Arda U. atasını sakitləşfirmək üçün başqa otağa aparıb. Bu arada qonşuların xəbəri üzərinə evə polislər gəlib. Fatma U. evə gələn polisə ərinin sakitləşdiyini və şikayət etmədiyini bildirib. Bundan sonra polislər evi tərk edib.
Saat 03:00 radələrində Arda U. ilə atası Mustafa U. arasında anası üçün dava düşüb. Mübahisə böyüyüb və Arda U. atasının kürəyindən və qarnından bıçaqlayaraq qaçıb. Qışqırıq səsinə oyanan həyat yoldaşı və qızı Mustafa U.-nun yerdə qanlar içində olduğunu görərək vəziyyəti 112 Təcili Zəng Mərkəzinə bildiriblər. Məlumat verildikdən sonra ünvana polis və təcili tibbi yardım sövq edilib.
Ağır yaralanan Mustafa U. Samsun Təhsil və Araşdırma Xəstəxanasına aparılaraq müalicə altına alınıb.
Hadisə ilə bağlı araşdırmalara başlayan polis şübhəli şəxsi saxlayıb.скачать dle 12.1