Avropada yaşayan siyasi mühacir Təbriz Quliyev Azərbaycan hüquq mühafizə orqanları tərəfindən axtarışa verilib.

Bu barədə saytımıza siyasi mühacirin qardaşı Araz Quliyev məlumat verib.

O, bildirib ki, 2024-cü il iyul ayının 18-i Azərbaycan Respublikası Daxili İşlər Nazirliyinin Binəqədi rayon polis idarəsi tərəfindən qardaşı Təbriz Quliyev barəsində Cinayət Məcəlləsinin bir neçə maddəsi ilə axtarış elan olunub və həbs-qətiimkan tədbiri seçilib.

Araz Quliyevin bildirdiyinə görə, qardaşı Təbriz Quliyev Bakı şəhərində keçirilən mitinq və aksiyalarda iştirak etdiyinə görə onun barəsində polis tərəfindən axtarış elan edilib.

Xatırladaq ki, Təbriz Quliyev Azərbaycan hakimiyyəti tərəfindən üzləşdiyi təzyiqlərə görə, ailəsi ilə birlikdə bir müddətdir ki, Avropada mühacir həyatı yaşayır.

Həmçinin mühacir həyatı yaşadığı ölkədə də mütəmadi olaraq mitinq və aksiyalara qatılaraq, Azərbaycanda qanunsuz olaraq həbs olunmuş siyasi məhbusların azad olunmasını tələb edən şüarlar səsləndirir.скачать dle 12.1