Ermənistan silahlı qüvvələri və qanunsuz silahlı birləşmələr tərəfindən törədilən cinayətlərdə ittiham olunan 15 nəfərin məhkəmə istintaqı davam edir.
Haqlı olaraq “Nürnberq prosesi” adlandırılan məhkəmə prosesində müttəhimlər kürsüsünü Arkadi Qukasyan başda olmaqla digər 14 nəfər bölüşürlər.
Xəbər verir ki, geniş ictimaiyyətin diqqət mərkəzində olan, Bakı Məhkəmə Kompleksinin inzibati binasında keçirilən prosesdə müttəhim David İşxanyan dövlət ittihamçılarının suallarını cavablandırıb.
O bildirib ki, I Qarabağ müharibəsində tabor komandiri olarkən Monte Melkonyana tabe olub. İşxanyan müharibə zamanı Ağdərə, Xocavənd, Kəlbəcər və Ağdamda Azərbaycan hərbçilərinə qarşı döyüşdüyünü etiraf edib.
“Xocavənddə 8 tabor var idi, mən də onlardan birinin komandiri idim. 8 tabor rayonun “müdafiə xətti”nə tabe idi, onun rəhbəri Monte Melkonyan, “ordu”nun komandiri isə Samvel Babayan idi”, - deyə o bildirib.
Hazırda proses davam edir.скачать dle 12.1