19.06.2023-cü il tarixində, günorta saatlarında Avropada yaşayan siyasi mühacir, Məmmədov Eldar Vüqar oğlunun Salyan rayonunda yerləşən  ünvanına bir neçə polis və Səfərbərlik və Hərbi Xidmətə Çağırış xidmətinin əməkdaşları gələrək axtarış aparmışdır. Təxminən 40 dəqiqə axtarış aparıldıqdan sonra, Məmmədov Eldarın bibisi, Davudzadə Kəmalə polis əməkdaşları tərəfindən xidməti avtomobillərinə mindirilərək, öncə Səfərbərlik və Hərbi Xidmətə Çağırış Xidməti idarəsinə daha sonra isə Salyan RPİ-nə aparılmışdır.

Ailə üzvlərinin mətbuata verdiyi məlumata görə, Davudzadə Kəmalə polis idarəsində olarkən, ondan qardaşı oğlu, Məmmədov Eldar barədə sorğu-sual edilmiş, onunla telefon əlaqəsi saxlanması tələb edilmişdir. Lakin, Davudzadə Kəmalə qardaşı oğlu, Məmmədov Eldar ilə heç bir telefon əlaqəsi olmadığnı və hal-hazırda harada olduğu barədə heç bir məlumatı olmadığını polis əməkdaşlarına bildirmişdir.
Polis idarəsində olarkən, Məmmədov Eldarın axtarışda olduğu barədə məlumat verilmişdir. Salyan RPİ-nin əməkdaşları tərəfindən dindirilən, Davudzadə Kəmalə polis əməkdaşları tərəfindən fiziki və psixololoji təzyiqlərə məruz qalmışdır. Ailə üzvlərinin bildirdiyinə görə,  Davudzadə Kəmalə polis idarəsində təzyiq altında saxlanılarkən gecə saatlarında qəfldən səhhəti pisləşmiş və polis əməkdaşları tərəfindən Salyan Rayon Mərkəzi Xəstəxanasına çatdırılmışdır.

Əlavə məlumat üçün qeyd edək ki, Məmmədov Eldar yetkinlik yaşına çatmamış (12 yaşında) atası, Məmmədov Vüqarın siyasi fəaliyyətinə görə dövlət orqanları tərəfindən təzyiqlərə məruz qaldıqları üçün ölkəni tərk etmək məcburiyyətində qalmışdır. Bu səbəbdən,  Məmmədov Eldarın 18 yaşı tamam olmasına baxmayaraq hərbi xidmətə getmək üçün Azərbaycan Respublikasına geri dönə bilməmişdir.

Hadisə ilə bağlı Icxeber.info-nun əməkdaşları tərəfindən, Salyan RPİ-si ilə telefon əlaqəsi saxlamasına baxmayaraq, telefon zənginə cavab verən olmamışdır.скачать dle 12.1