AXCP Şəki şəhər şöbəsinin daha bir üzvü bu gün səhər saatlarında saxlanılıb. Bu haqda AXCP sədrinin müavini Gözəl Bayramlı facebook səhifəsində məlumat yayıb:

“İndicə aldığımız məlumata görə, şöbənin Gənclər Komitəsinin sədri Samir Həsənov qardaşı İslam bəyə ərzaq apararkən onu da polis idarəsində həbs ediblər. Qeyd edim ki, AXCP Şəki şöbəsinin 5 fevralda keçirilən növbəti Məclisindən sonra İslam Həsənov və digər şöbə fəalları evə qədər izlənilib. Həmin iclasda partiya sıralarına yeni üzvlər qəbul edilib və düşünürəm ki, yerli hakimiyyət strukturlarını şöbənin fəaliyyətinin genişlənməsi narahat edib”.