“Guardian” qəzeti ingilis hökumətinin dövlət sirlərini yayan müxbirlərə verilən həbs cəzasının artırılması və jurnalistlərin Casusluq Aktı çərçivəsində mühakimə olunmasının önünü açan qanun təkliflərini ana səhifəsinə çıxarıb. Ekspertlərin hazırladıqları qanun təklifləri müxbirlərə həbs cəzasının “təxminən 2-14 il arasında dəyişməsini” nəzərdə tutur. Qanun təkliflərinə görə həbs cəzası yalnız məlumatı hazırlayana deyil, onu paylaşana da şamil edəcək.

“Guardian” qəzeti keçmiş Amerika kəşfiyyat işçisi Edvard Snovden tərəfindən sızdırılan məlumatları yayan qəzetlərdən biri idi. Qəzet bu təkliflərin ictimai baxımdan faydalı məlumatları sızdıran səlahiyyətlilərə əngəl olacağı ilə bağlı narahatlıq yaratdığını bildirir. Qəzet həmçinin 2015-ci ildə başlanan qanun layihəsi hazırlıqlarının Edvard Snovdenin yaydığı məlumatlardan sonra gündəmə gəlməsinə diqqət çəkir:

“Hüquq Komissiyasının təklifləri “Guardian Edward Snowden” sənədləri kimi məlumatları bir daha yayımdan gizlətmək məqsədi daşıdığı anlamına gəlir.”

Redaksiyanın bu məsələ ilə bağlı yazısı “Hüquq Komissiyasının hazırladığı layihə demokratiyaya təhdid” başlığı altında yayınlanıb.

Xatırladaq ki, bu an qüvvədə olan 1911-ci il tarixli Dövlət sirləri Qanununa görə gizli məlumatların səlahiyyət xaricində ifşa edilməsi halında dövlət işçilərinə ən çox 2 il həbs cəzası verilə bilər.