Bakının Binə qəsəbəsində vətəndaş intihara cəhd edir.

FHN-dən verilən xəbərə görə, bıçaqla silahlanmış naməlum şəxs qəsəbə ərazisindəki “Qartal” marketin yaxınlığında yerləşən beş mərtəbəli binanın damına qalxaraq, intihar etmək niyyətini nümayiş etdirir.

Hadisə yerinə polis əməkdaşları və FHN-nin xilasediciləri cəlb edilib. Ərazidə təhlükəsizlik tədbirləri görülüb. FHN-nin xilasedicilərindən ibarət xüsusi qrup psixoloji söhbət aparmaqla vətəndaşı fikrindən daşındırmağa çalışır.

***

Bakının Binə qəsəbəsində intihara cəhd edən vətəndaşın kimliyi bəlli olub. APA-nın xəbərinə görə, intihara cəhd edən şəxs  1995-ci il təvəllüdlü Sadiqov Сavid Sevindik oğludur. Məlumata görə, onun Emin adlı 17 yaşlı qardaşı özünü iyunun 21-də binanın damından ataraq intihar edib. İntiharın istintaqı ilə bağlı narazılıq bildirən Sadiqov Сavidin sərxoş olduğu bildirilir. 

***

Bakının Xəzər rayonu Binə qəsəbəsində intihara cəhdin qarşısı alınıb.

Əli İsazadə küçəsi, 1 ünvanında yerləşən beşmərtəbəli binanın damına qalxaraq, intihar etmək niyyətini nümayiş etdirən qəsəbə sakini Сavid Sadiqov bıçaqla özünə xəsarət yetirib. Damda olan polis əməkdaşları və FHN xilasediciləri həmin an onu saxlayaraq aşağı endiriblər və hadisə yerinə cəlb edilən həkimlərə təhvil veriblər.  Sərxoş vəziyyətdə olan 23 yaşlı С.Sadiqov dərhal  xəstəxanaya çatdırılıb.

Mehdi Yazar