Adam oğurluğunda və dələduzluqda təqsirləndirilən qadının məhkəməsi başa çatıb.

Bakı Ağır Cinayətlər Məhkəməsində Arifə Sadıqovanın cinayət işi üzrə məhkəmə prosesi keçirilib.

Hakim Şəkər Məmmədovanın sədrliyi ilə keçirilən iclasda hökm oxunub. Hökmə əsasən A.Sadıqova 9 il 6 ay müddətinə azadlıqdan məhrum edilib.

Ev dustaqlıqlığında olan Sadıqova məhkəmə zalında həbs edilib.

Qeyd edək ki, A.Sadıqova adam oğurluğu, dələduzluq və digər cinayətlərdə ittiham edilir və bundan əvvəl bir neçə dəfə saxlanılıb. Onun Nərimanov rayonu A.Heydərov küçəsində kirayədə yaşadığı mənzildə əxlaqsızlıq yuvası saxlaması və qadınları fahişəliyə cəlb etməsi müəyyən edilib. Lakin ailə vəziyyətinə görə həbs edilmədiyi bildirilib.

Məlumata görə, A.Sadıqova tanışı Aynurə Hüseynovanı qaçırıb.