Bu gün Bakı şəhərinin Sabunçu rayonu ərazisində – Heydər Əliyev prospektində (Komsomol dairəsi adlanan yerdə) “QAZ 31 10” markalı minik avtomobilinin “Ford”a çırpılması nəticəsində ölən və yaralananların olduğu məlum olub. Baş vermiş qəzadan sonra alovlanan “QAZ 31 10″dakı şəxslərdən biri hadisə yerində vəfat edib. 15 yaşlı Kərimov Muxtar Mətləb oğlu ilə 33 yaşlı Şükürov Saleh Əmiraslan oğlu isə ağır vəziyyətdə 3 saylı şəhər klinik xəstəxanasına yerləşdirilib.

Qeyd edək ki, ərazidə tıxac yarandığından təcili tibbi yardım briqadaları hadisə yerinə çətinliklə və vaxt itirməklə yetişə bilib.

Qəzadan sonra Heydər Əliyev prospektində tıxac yaranıb.

*****
Bu gün Bakının mərkəzindən Heydər Əliyev Beynəlxalq Hava Limanı istiqamətindəki yolda (keçmiş “Komsomol dairəsi”) yol-nəqliyyat hadisəsi baş verib. Lent.az xəbər verir ki, bu barədə Bakı Nəqliyyat Agentliyinin mətbuat xidmətinin rəhbəri Mais Ağayev bildirib.

Onun sözlərinə görə, hadisə nəticəsində nəqliyyat vasitələrindən birində yanğın baş verib.

BNA rəsmisi əlavə edib ki, hazırda bu istiqamətdəki yolda tıxac müşahidə olunur.
Şahidlərin bildirdiyinə görə, yanan “QAZ 31 10” markalı avtomobildir.