Bu gün Çempionlar Liqasında V turun növbəti oyunları keçiriləcək. Avrokuboklarda mübarizəni davam etdirən yeganə Azərbaycan təmsilçisi “Qarabağ” da meydana çıxacaq. C qrupunda mübarizə aparan çempionumuz son ev matçında İngiltərə “Çelsi”sini qəbul edəcək. Bakı Olimpiya Stadionunda keçiriləcək qarşılaşma Qurban Qurbanovun yetirmələri üçün həlledici görüş ola bilər.

“Qarabağ” klubu "Roma" və"Atletiko Madrid" klubları ilə oyunlarda olduğu kimi London təmsilçisindən də xal almağı bacarsa, təmsilçimizin 3-cü yerə çıxmaqla Avropa Liqasında mübarizə aparmaq şansları artacaq. Təmsilçimiz buna qədər Avropa nəhəngləri ilə oyunda layiqli mübarizə apardığı üçün "Qarabağ" klubundan gözləntilər böyükdür. 

Bundan əlavə Ağdam təmsilçisi Çempionlar Liqasının ilk turunda 0:6 hesabı ilə Londonda məğlub olduğu üçün "Qarabağ"ın "Çelsi"dən əvəz çıxması gözlənilir. "Çelsi"nin ötən tur "Roma"ya məğlub olması və "Atletiko"nun turnirdə mübarə aparmaq üçün qələbə qazanmaq əzmi "Qarabağ"ın bugünkü qarşılamasına intriqanı daha da artırır.