Özbəkistan Millisinin keçmiş baş məşqçisi, erməni əsilli Samvel Babayan ölkədə hər hansı futbol işində iştirakdan ömürlük məhrum edilib.

Bu barədə Özbəkistan Futbol Federasiyasının mətbuat xidməti məlumat yayıb.

Bu barədə qərar yanvarın 15-də qurumun İdarə Heyətində çıxarılıb.

Federasiyanın məlumatına görə, 46 yaşlı mütəxəssis yığmanın tərkibinin seçilməsində tanış oyunçulardan istifadə edib, ekspertlərin və təcrübəli həmkarlarının tövsiyələrinə qulaq asmayıb. Federasiya həmçinin hesab edir ki, məşqçi DÇ-2018 seçmə turniri zamanı vəzifəsinin icrasına məsuliyyətsiz yanaşıb və şəxsi kommersiya maraqlarını əsaslanaraq göstəriciləri aşağı olan futbolçuları heyətə daxil edib.

Xatırladaq ki, Babayan 2015-cu ildən Özbəkistan yığmasının baş məşqçi vəzifəsində çalışıb. O, Milli komandanı DÇ-2018-ə çıxara bilmədiyi üçün 2017-ci ilin sentyabrında istefaya göndərilib.