Beynəlxalq Şahmat Federasiyası (FİDE) yeni reytinq cədvəlini açıqlayıb.

Fevral ayı üçün müəyyənləşən kişi şahmatçıların reytinq cədvəli Azərbaycan üçün uğurlu alınıb.

Belə ki, yığmamızın lideri Şəhriyar Məmmədyarov siyahının ikinci pilləsində qərarlaşıb. Ötən ayla müqayisədə bir pillə də irəliləyən və 2814 reytinq xalı olan “Şah” yalnız Maqnus Karlsendən (2843) geri qalır. İlk üçlüyü 2800 xalla rusiyalı Vladimir Kramnik tamamlayıb.

 Millimizin digər üzvləri, Teymur Rəcəbov 2748 xalla 18-ci, Rauf Məmmədov 2709 xalla 40, Arkadi Naydiç isə 2705 xalla 41-ci pillədə qərarlaşıb.

O, dünyada 20 yaşadək şahmatçılar arasında ikiqat Dünya çempionu tituluna sahib olan yeganə şahmatçıdır.

2017-ci ilin may ayında dünya şahmat tarixində 2800 Elo reytinq balını keçmiş 13-cü şahmatçı olub. Şəhriyar Məmmədyarov bu uğura imza atmış ilk müsəlman idmançı kimi də tarixə düşüb.