"Güclü futbolçulardan ibarət heyətə sahibəm. Onların sayəsində Çempionlar Liqasında finala yüksəldik. Növbəti dəfə finalda olduğumuz üçün xoşbəxtəm".

Qol.az-ın İspaniya mətbuatına istinadən yaydığı xəbərə görə, bu sözləri "Real"ın baş məşqçisi Zinəddin Zidan Çempionlar Liqasının yarımfinalında "Atletiko" ilə cavab oyunundan sonra keçirilən mətbuat konfranında deyib.

İki oyununun nəticəsinə (3:0, 1:2) əsasən, finala çıxan "kral klubu"nunun baş məşqçisi "Yuventus"a qarşı finalın möhtəşəm olacağını söyləyib:

"Futbolçu olduğum vaxtlarda "Yuventus"da oynamışam. Möhtəşəm klubdur. Onlarla finalda qarşılaşmaq mənim üçün xüsusi olacaq. Hər iki komanda finalda olmağa layiqdir. Hal-hazırda La Liqada önəmli matçlarımız var. Yenidən əsas diqqəti ölkə çempionatına yönəltməliyik".

Z.Zidanın komandasının finalda favorit olmadığını bildirib: "Yuventus"a qol vurmaq çətindir. Onlar təkcə müdafiədə güclü deyillər. Önəmli hücumçuları da var".

Qeyd edək ki, ÇL-in finalı iyunun 3-ü keçiriləcək.