İspaniya Peşəkar Futbol Liqasının (LFP) rəhbəri Havyer Tebas Katalonyanın birtərəfli müstəqillik elan etməsi halında katalon klublarla görüşəcəyini və müstəqilliyi tanıyan komandaları liqadan çıxaracağını söyləyib: "Bizim vəzifəmiz hər kəsi dinləmək, amma eyni zamanda əsasnamənin şərtlərini də yerinə yetirməkdir."

Havyer Tebas Villarreal şəhərində iştirak etdiyi konfransda jurnalistlərə verdiyi açıqlamada, "təəssüf ki, "Barselona" və "Espanyol" klublarının olmadığı bir La Liqa ehtimalı görürəm. Əgər belə bir şey olsa, La Liqa təkrar əldə edilməsi çox çətin bir dəyər itirəcək", - deyə bildirib.

Katalonyanın müstəqil olması halında Katalon Futbol Federasiyasının özünü dünya futbol ictimaiyyətinə necə qəbul etdirəcəyinin məlum olmadığını vurğulayan Tebas, "FİFA qaydalarını tətbiq etmək məcburiyyətində qalmayacaqlar. Belə olduqda isə Katalonyadaki klublarda oynayan futbolçular tamami ilə transfer bazarının kənarında qalacaq" söyləyib.

Qeyd edək ki, Katalon komandalarından "Barselona", "Espanyol" və "Girona" La Liqada, "Reus", "Gimnastik de Tarragona" və "Barselona B" isə 2-ci liqada mübarizə aparır.