Azərbaycan bu göstərici üzrə Cənubi Qafqaz ölkələrini cüzi qabaqlayır

Rusiya və Qazaxıstandakı orta aylıq maaşla Azərbaycanda 2 dəfə çox benzin almaq olar.

Bunu iqtisadçı – ekspert Samir əliyev Facebook səhifəsində yazıb:

-Tarif Şurası “Aİ-92” markalı benzinin satış qiymətinin artırılmasını əsaslandırarkən qeyd edib ki, bu yanacağın 1 litri Gürcüstanda 0,86, Rusiyada 0,61, Qazaxıstanda 0,43, Belarusda 0,59, Ukraynada 0,98 ABŞ dollarına satılır. Azərbaycanda isə benzin artımdan sonra indiki məzənnə ilə təxminən 0,53 dollara bərabərdir. Deməli, Qazaxıstan istisna olmaqla digər 4 ölkədə yanacaq bizdən bahadır. Bu müqayisə mili valyutaların məzənnə səviyyəsindən asılı olaraq dəyişə bilər. Məsələn, manat ilin əvvəlində olduğu kimi dollara münasibətdə 1,92 səviyyəsinə qədər ucuzlaşsa bu halda dollar ifadəsində 47 sentə düşəcək və Qazaxıstana yaxınlaşa bilərik. Halbuki bunu ucuzlaşma adlandırmaq olmaz. Ölkə daxilində qazanc milli valyutda olduğu kimi benzinə çəkilən xərcin dəyəri də milli valyuta ilə ölçülməlidir.