10-02-2024, 15:59- Putinin Karlsona müsahibəsi propaqanda platforması kimi tənqid olunur
10-02-2024, 14:22- Avropa Xarici Fəaliyyət Xidmətinin mətbuat katibinin Azərbaycanda prezident seçkilərinə dair bəyanatı
2-02-2024, 09:58- ATƏT DTİHB: ‘…Digər altı namizədin hər biri yaxın keçmişdə prezidenti dəstəkləyib’
30-01-2024, 17:57- Azərbaycana avtomobil gətirənlərin xərci 2 dəfə artıb
30-01-2024, 13:39- Məhkəmə fəalın apellyasiya şikayətini təmin edib
25-01-2024, 17:01- AŞPA-nın qərarının təsiri: Azərbaycan müxalifəti nəticələr haqqında düşünür
25-01-2024, 12:54- AŞPA məruzəçisi: Azərbaycan və Türkiyə jurnalist hüquqlarının pozulmasında liderdir
22-01-2024, 16:11- Rusiya Qərbi Rusiyanın aktivlərinin dondurulmasına cavab olaraq 288 milyard dollar itki ilə hədələyir
22-01-2024, 14:30- Hafiz Babalı onu gözdən salan KİV-i məhkəməyə verəcək
22-01-2024, 13:59- Başqırdıstan etirazlarına görə dörd nəfərə ittiham verilib
19-01-2024, 12:34- Vəkil: Nərgiz Absalamovanın ailə üzvləri ilə təmaslarına məhdudiyyət qoyulmasının əsası yoxdur
19-01-2024, 10:58- Fəalları Başqırdıstanı Rusiyadan ayırmaq çağırışlarında ittiham edirlər
17-01-2024, 16:00- Aİ-nin Azərbaycandakı Nümayəndəliyinin rəhbəri jurnalistlərə qarşı rəftardan dəhşətə gəldiyini bildirib
17-01-2024, 14:07- Ermənistan siyasətçiləri məyusdurlar: ‘Əliyev yeni müharibəyə hazırlaşır’
17-01-2024, 13:56- Ötən ilin yekun iqtisadi göstəriciləri açıqlanıb
16-01-2024, 16:25- ‘Ayrıcadırlar’: İrandan dəstək görsələr də, husilərin müstəqilliyi İranı qoruyur
16-01-2024, 11:54- Tramp Ayovada praymeriz seçkilərini udur
16-01-2024, 11:53- Jurnalist Şahin Rzayev həbs edilib
12-01-2024, 14:52- ABŞ və Böyük Britaniya Yəməndə hisilərin mövqelərini vurur
12-01-2024, 10:31- Britaniyanın baş naziri Kiyevdədir
Bu gün “Qarabağ” futbol klubu olduqca önəmli və tarixi bir oyuna çıxır. Futbolsevərlər söhbətin nədən getdiyini bildikləri üçün xırdalamağa lüzum görmürük. Odur ki, keçək mətləbə.
Məlumatlara görə, Bakıdakı birinci matça rekord sayda azarkeş bilet alıb. Matça belə maraq təbii ki, həm də və yəqin ki, ən əvvəl komandanın adı ilə bağlıdır. Doğru, bu, bir idman yarışıdır, idmanda isə udan da olur, uduzan da. Yaxud qalib bir gün büdrəyib məğlubiyyət də dada bilir.
Fəqət, bu, “Qarabağ”dır - erməni işğal altındakı Ağdamı, bütövlükdə işğal olunmuş torpaqlarımızı təmsil edən, Azərbaycanın öz ərazi bütövlüyünün pozulması ilə heç vaxt barışmayacağını simvolizə edən “Qarabağ” klubu!
O üzdən “Qarabağ”ın qələbəsi bizə ikiqat şirin olduğu kimi, onun məğlubiyyəti, geriləməsi də bir o qədər ağır gəlir bizə. Eyni səbəbdən ordumuz kimi, “Qarabağ”a qarşı da ümumxalq sevgisi, mənəvi hamilik böyük əhəmiyyət kəsb edir indi. Zira, “Qarabağ”a dəstək - Qarabağa dəstək deməkdir.
Bu gün işğal altındakı torpaqlarımızın azadlığı uğrunda mübarizə bir neçə cəbhədə gedir. Onlardan biri, hətta birincisi dünya ictimai rəyini öz xeyrinə dəyişməyə hədəflənmiş təbliğat savaşıdır. Qurban Qurbanovun “Qarabağ”ı da bu savaşın içində, önündədir və layiqli töhfəsini verməkdədir. Ən azı, bacardığını etməkdədir.
Bunu hardasa futbol diplomatiyası da adlandırmaq olar. Yəni əslində Qurban Qurbanov sıradan bir məşqçi, futbol mütəxəssisindən daha çox azarkeşlərin, xalqın gözündə Qarabağın azadlığını yaxınlaşdıran bir diplomatdır.
Bəzən irad kimi deyilir ki, “Qarabağ”ın tərkibində xeyli legioner oynayır. Olsun. Torpaqlarımızın azadlığı uğrunda mübarizədə, düşmənlə mübarizədə istənilən vasitə məqbuldur. Necə ki, illərdir pul verib xaricdən bahalı, modern silahlar alırıq, eləcə də güclü futbolçular da almalıyıq ki, təbliğat savaşında düşmənə yenilməyək, “futbol diplomatiyası”nı qabağa apara bilək.
Bu mənada “Qarabağ”dakı legionerləri təşviqat savaşındakı muzdlu döyüşçü də adlandırmaq mümkündür - Qarabağ uğrunda, Azərbaycan uğrunda döyüşən muzdlular! Qarabağın Azərbaycanın ayrılmaz ərazisi kimi təbliğinə kömək elədikləri üçün onlara minnətdarlıq düşür.
Məsələ də ondadır ki, bu gün hər birimiz təmsil elədiyi sahədə öz üzərinə düşəni yerinə yetirsə, işğalın ömrü qısalar. O sırada KİV-lərin üzərinə də analoji missiya düşür. Ələlxüsus xarici auditoriyaya çıxış imkanları olan KİV-lərdən söhbət gedir.
Qayıdaq “Qarabağ”ın oyununa. Əslində “Qarabağ”ın beynəlxalq arenada hər qələbəsi Qarabağ ətrafında oynanılan məkrli oyunları faş eləmək üçün verilən bir töhfədir. Təsadüfi deyil ki, komandanın Avropadakı hər matçını erməni lobbisi narahatlıqla qarşılayır və həmişə təxribatlar törətməyə çalışır. Bu dəfə də cavab matçında - Kopenhagendə ermənilərin iyrənc aksiya keçirəcəkləri haqda artıq məlumatlar yayılıb.
Gözləniləndir. Düşmən tərəfin təmsilçiləri bizdən də yaxşı bilirlər ki, “Qarabağ” meydanda təkcə top uğrunda, rəqib qapısına yol tapmaq uğrunda mübarizə aparmır, eyni zamanda Qarabağ uğrunda mübarizə aparır. Bu mübarizədə bizim bir daha məğlubiyyət acısı dadmaq lüksümüz yoxdur - heç bir mübarizə meydanında!
Demək, ordumuza, əsgərimizə mənəvi dəstək qədər “Qarabağ”a da dəstək vacibdir - Qarabağ naminə.
İrəli, “Qarabağ”, Qarabağa doğru!