Sürdüyü avtomobilin bomba ilə partladılmasına görə həlak olan maltalı araşdırmaçı jurnalistDaphne Caruana Galizia-nın oğulları cinayət işində hökmlə nəticələnən məlumata görə təklif edilən bir milyon avroluq mükafatı dəstəkləməkdən imtina ediblər.

Xanım Galizia-nın oğulları həmçinin Maltanın Baş naziri Joseph Muscat-ın istefasını tələb ediblər.

Jurnalistin avtomobilindəki partlayış bazar ertəsi günü o, Bidnija-da yerləşən evindən çıxdığından sonra baş verib.

O, siyasətçiləri korrupsiyada ittiham edən bloquna görə məhşurlaşmışdı.

Onun oğlu Matthew Caruana Galizia-nınFacebook səhifəsində paylaşdığı və qardaşlarıAndrew və Paul-un da imzaladığı bəyanatda “anamızın qatilinin məhkum edilməsilə nəticələnən dəlilə görə bir milyon avroluq mükafatı dəstəkləmək üçün” Malta liderləri tərəfindən “fasiləsiz təyziq altındayıq” yazıb.

Lakin qardaşlar “dəyişiklik olmadan ədalətlə maraqlanmadıqlarını” deyiblər.

“Xatirələrimizdə anamızı həmişə susdurmağa çalışan insanlar ədaləti təmin edə bilməzlər”, onlar yazır.

Onlar Baş nazir Joseph Muscat-ı hədəfə alaraq onu vəzifəsindən istefa verməyə çağırıblar. “Siyasi məsuliyyət göstər və istefa et. Bizim mühüm hüquqlarımızı müdafiə etməkdə uğursuzluğuna görə istefa et”, onlar deyib.

Qardaşlar, həmçinin ondan Maltanın polis komissarını və baş prokurorunu “ona (baş nazirə) və onun qoruduğu şəxslərə qarşı dəlillər üzrə hərəkət etməkdən qorxmayan dövlət qulluqçuları ilə” əvəz etməsini tələb ediblər.

Xanım Caruana Galizia-nın ölümündən sonra, cənab Muscat qətli “ölkəmizdə ifadə azadlığına” qarşı bir hücum olduğunu deyərək qınayıb.

BBC-yə verdiyi müsahibədə, Baş nazir jurnalisti “mənim sərt tənqidçim” və onun qətlini isə “bir kabus” kimi təsvir edib.

“Mən buna səbəbin onun yazdığı və ya yazmağa planlaşdırdığı bir şeyin olub-olmadığını bilmirəm”, o deyib.

Daphne Caruana Galizia hökumətin sərt tənqidçisi idi. Onun Panama sənədləri barədə araşdırması və Baş nazir Joseph Muscat-a qarşı korrupsiya iddiaları Maltada erkən seçkilərə nəticə vermişdi.

Cənab Muscat və onun həyat yoldaşı gizli ofşor bank hesabları vasitəsilə Azərbaycan prezidentinin ailəsindən aldıqları pulları gizlətdikləri iddialarını rədd edirlər.

Korrupsiya iddialarına baxmayaraq, cənabMuscat erkən seçkilərdə qalib gələrək öz vəzifəsində qalıb.

Xanım Caruana Galizia bloqunda həmçinin müxalifət siyasətçilərini də tənqid etmişdi və sonuncu yazısında ölkədəki siyasi vəziyyətin “ümidsiz” olduğunu demişdi.