ABŞ-ın Türkiyəyə nota verərək ekstradisiyasını istədiyi baş konsulluğun rabitə işçisi Mətin Toppuzun cib telefonu İstanbul Prokurorluğu tərəfindən araşdırılıb və şifrəsi sındırılıb. Əldə edilən Whatsapp yazışmalarında Toppuz baş konsulluqda xidmət edən amerikalı diplomat K.-ya, iş adamı Rza Zarrabın ABŞ-da həbs olunması ilə bağlı qəzet xəbərlərini çatdırdığı görünür.

Mətin Toppuz istismarındakı 0532...41 nömrəli telefondan çıxan minlərlə səhifəlik yazışmalar istintaq dosyesinə salınıb. O yazışmalardan biri də 22 mart 2016 tarixinə aiddir.

Mətin Toppuz 22 mart 2016-ci il tarixdə saat 08.51-də "Rza Zərrab" başlığı ilə qrup yaradıb.

Bu qrupa Toppuz ilk mesajını saat 09.02-də atıb. Whatsapp yazışmalarına saat 09.25-də ABŞ-ın İstanbul Baş Konsulluğunda xidmət edən K. da qatılıb. Yazışmalar İngilis dilində aparılıb.

Yazışmalar bu cür olub:

Mətin Toppuz: (09.02) Hürriyyət qəzetinə görə, Rza Zərrab mayamidə həbs olunub. İttiham belədir: Amerika dövlətinin İrana tətbiq etdiyi iqtisadi embarqonu yarma, bank dələduzluğu, çirkli pul yuma. Türkiyədə olan şirkətləri də (qəzetdə sadalanan) istintaq altındadır.

Mətin Toppuz: (09.05) Ümid edirəm ki, Obama prokuroru günahlandırmaz.

ABŞ Baş Konsulluğunun əməkdaşı K: (09.29) Vau, Zərrab. FBI (Federal Təhlükəsizlik Bürosu) mı, DEA (Narkotiklərlə Mübarizə Agentliyi) dosyesimı? Dedilərmi?

Mətin Toppuz: (09.30) FBI .

Amerikalı diplomat K: (09.30) Əhsən. Böyük zərbə.

Mətin Toppuz: (09.32) FBI-ya Türkiyədə uğurlar arzulayıram. Türkiyədəki şirkətləri haqqında məlumat almağa çalışacaqlar.

Amerikalı diplomat K: (09:32) Hahahahaha, əla. Siyasi əlaqələrinə görə, əyləncəli olmayacağına əminəm. Dubay məsələsinə görə olduğuna əminəm. Hətta orada daha böyük uğurlar.

Mətin Toppuz: (09.33) O, iranlıdır. Çox yaxında danışmağa başlayacaq.

Amerikalı diplomat K: (09.34) İnşallah.