"Yeni Qüvvələr" hərəkatının lideri Mixail Saakaşvili bəyan edib ki, Ukraynada mövcud hakimiyyətin və iqtisadiyyatın çökməsi prosesi gedir. Bu barədə Saakaşvili Facebook səhifəsində yazıb. 

O, qeyd edib ki, həbs edilməsi ətrafında yayılan məlumatlar boş söhbətdir: "Mənim Kiyevdə bü gün həbs edilməyim boş söhbətdir. Onların bunu etmək üçün nə gücləri, nə də icraçıları var. Bu gün Ukraynada hakimiyyət və iqtisadiyyatın çökməsi prosesi fəal gedir ki, bu da vaxtilə Gürcüstanda Şevardnadzenin hökumətində baş verirdi".

Odessanın sabiq qubernatoru əlavə edib ki, onu Ukraynadan yalnız oğurlayaraq Gürcüstana apara bilərlər: "Məni Gürcüstana yalnız oğurlayaraq apara bilərlər. Çünki Kiyevdə mənim ekstradisiyam üçün qanuni əsaslar yoxdur".