Rusiyanın baş naziri Dmitri Medvedev hesab edir ki, ölkəsi və Çin arasında ticarət dövriyyəsi 100 mlrd. dollara qədər artırılacaq. Bu barədə o, iki ölkənin hökumət başçılarının 22-ci görüşünün yekunları üzrə mətbuat konfransında bildirib.

"Ümid edək ki, ticarət dövriyyəsi bundan əvvəlki artım tempi ilə inkişaf edəcək. Bu həcm 100 mlrd dollardır, zənnimcə, bu, son hədd deyil. Dünya iqtisadiyyatında müşahidə olunan çətinliklərə baxmayaraq əməkdaşlığımız bərpa olub. Əmtəə dövriyyəsi enməyib, əvəzində ötən səkkiz ayda üç dəfə  artıb. Bu bizi sevindirir", - deyə Medvedev əlavə edib.