Kataloniya vilayətinin keçmiş rəhbəri Karles Puçdemon və bölgə hökumətinin keçmiş üzvləri (ümumilikdə 14 nəfər) barəsində həbs qərarı çıxıb. Bu barədə İspaniyanın Milli Məhkəmə Palatası qərar qəbul edib. Onlara 2-3 noyabr tarixlərində məhkəməyə gəlmədikləri üçün barələrində axtarış elan edilib və həbs qətimkan tədbiri seçilib.

Qedye dək ki, Kataloniya hökumətinin keçmiş üzvləri üsyan və qiyamın təşkilində, dövlət vəsaitlərin israf edilməsində  ittiham olunurlar. Ölkə qanunvericiliyinə görə, bu ittihamlar üzrə 30 ilədək həbs cəzası nəzərdə tutulur.  

Bu arada K.Puçdemonun vəkili Pol Bekart bildirib ki, Kataloniya hökumətinin sabiq rəhbəri həbs orderindən gizlənmək niyyətində deyil: “Puçdemon Belçika ədalət məhkəməsi ilə əməkdaşlıq etmək niyyətindədir. Onun Avropa mandatından gizlənmək fikri yoxdur. O məhkəməyə gedəcək və biz onu müdafiə edəcəyik”, - deyə vəkil bildirib.