Səudiyyə Ərəbistanı, Yəməndən ballistik raket atılandan sonra  "Lazım olan vaxtda və qaydada" cavab verəcəyik açıqlaması verərək, İranı təhdid edib.

Bu raket, Yəmən ordusunun müttəfiqləri və qəbilə döyüşçüləri ilə birlikdə Husi - Ənsarullah hərəkatı tərəfindən atılıb. Riyad və onun müttəfiqləri Husiləri İrandan maliyyə və silah dəstəyi almaqda ittiham edir.

İran İslam Respublikası isə bu ittihamları rədd edir, amma Səudiyyə işğalına qarşı Yəməni müdafiə edir. 

Qeyd edək ki, Səudiyyənin liderlik etdiyi koalisiya, bazar günü verdiyi açıqlamada, Husilərin İranın birbaşa əmri altında olduğunu iddia etmişdi.

Xatırladaq ki, Yəməndə Husilərin Səudiyyə Ərəbistanına ballistik raket hücumu edilmiş və raketlər ABŞ istehsalı raket müdafiə sistemi "Patriot"larla zərərsizləşdirilib. Həmin görüntüləri təqdim edirik.