Rusiyadan Gürcüstanın paytaxtı Tbilisi şəhərinə gələn bir qrup turist yerli sakinlər tərəfindən hücuma məruz qalıb. Belə ki, turistlərin avtomobili Mtaçmində dağında daş-qalaq edilib. 

"Rustavi 2" kanalı xəbər verir ki, hadisə zamanı xəsarət alan olmasa da, tursitlərin avtomobilin ön və arxa şüşələri sındırılıb. Hadisə yerinə gələn polislər turistlərə hücum etmiş şəxsləri saxlayıb. 

"İnterfaks"ın məlumatına görə, Gürcüstan Daxili İşlər Nazirliyi baş verənlərlə bağlı açıqlama verməyib. Turistlər isə polisə bildiriblər ki, heç bir şikayətləri yoxdur və yaxın zamanda ölkəni tərk edəcəklər.