AST Şirkətlər Qrupunun sahibi Telman İsmayılovun qardaşı, Vaqif İsmayılov barəsində beynəlxalq axtarış elan edilib. Bu barədə "TASS" agentliyi məlumat yayıb. 

O, adam öldürməkdə və qanunsuz silah saxlamaqda ittiham olunur. V.İsmayılov barəsində Moskvanın Basman Məhkəməsi tərəfindən qiyabi həbs qərarı çıxıb.

Rusiyanın "Çerkizov" bazarının keçmiş sahibi olan Telman İsmayılov da iki nəfəri qətlə yetirməkdə ittiham olunur. O, xaricdə gizlənir və bu günlərdə Türkiyədə T.İsmoyılova məxsus hotel qarət olunub.

T.İsmayılov və onun qardaşları Vaqif və Rafiq İsmayılovlar ticrət mərkəzləri komplekslərinin sahibi Vladimir Savkin və "Lyublino-Motors" mərkəzinin rəhbəri Yuri Briloevin güllələnməsində ittiham olunurlar. Bu hadisə 2016-cı ildə Novorijsk şosesində baş verib. İsmaylov qardaşlarına qarşı ifadəni isə Mehman Kərimov adlı killer verib.