Səudiyyə Ərəbistanının təşəbbüsü ilə noyabrın 19-da Qahirədə Ərəb Dövlətləri Liqasının toplantısı keçirilib. Liqaya üzv dövlətlərin XİN rəhbərləri İran və onların müttəfiqlərinin Yaxın Şərqdəki nüfuzunu müzakirə ediblər.

İki ölkənin nazirləri görüşə qatılmayıb. Bunlar  Livan və İraq olub. Ərəb Dövlətləri Liqası qəbul etdiyi qətnamədə Hizbullah təşkilatını "terrorçu qruplaşma" elan edib. 

Maraqlıdır ki, Hizbullah təşkilatının hərbi briqadaları Suriyada "İŞİD", "Ən-Nusra" və başqa terror qruplaşmalarına qarşı uğurla mübarizə aparır. Belə bir vəziyyətdə yaraqlıları yox edən təşkilata "terrorçu" adını vermək anlaşılan deyil. Buna qədər isə Səudiyyə Ərəbistanı və İsrail rejiminin İrana qarşı birgə əməkdaşlıq edəcəyi açıqlanıb.

Qeyd edək ki, Ərəb Liqasındakı Livanın nümayəndə heyəti Hizbullahı terrorçu saymadığını və təşkilatın xalqın bir parçası olduğunu bəyan edib.