Burkino-Fasonun paytaxtı Uaqaduquda Emmanuel Makronun səfərindən öncə fransız hərbçilərə hücum olub.Bu barədə Agence France Presse xəbər yayıb.

Bildirilir ki, hücumçular motosikldə  fransız hərbçilərin olduğu avtomobilə yaxınlaşıb və ora qumbara atıb. Döyüş sursatı hədəfə dəyməyib, nəticədə 3 dinc sakin xəsarət alıb.

Qeyd edək ki, Fransa lideri dünən gecə yerli vaxtla 22:30-da Uaqaduquya çatıb.

Fransa hərbçiləri «Barhan» əməliyyatı ilə əlaqədar regiondadırlar. Tədbir 2014-cü ildə  Burkina-Faso, Mavritaniya, Mali, Niger və Çad ölkələri ilə birgə Liviyadan Qvineya-Bisauya kimi fəaliyyət göstərən terrorçular  şəbəkəsi ilə mübarizə çərçivəsində başlayıb.