Qəzzanın şimalında Cebalya Qaçqın düşərgəsindəki Rabi Retoranı  KXDR lideri  Kim Çen Inın Fələstin məsələsindəki mövqeyi ilə əlaqədar koreyalılara endirimli xidmət göstərir.

Onun müəssisənin vitrinə asdığı elanda Kim Çen Inın şəklinin yanında yazılıb: «Rabia restoranı Şimali Korey liderinin Fələstin hadisələrində oynadığı rola  bir təşəkkür olaraq bütün koreyalı müştərilərimizə  80 faiz endirim edəcək».

Afişada Şimali Koreya və Fələstin bayraqları yanaşı durur.

Xatırladaq ki, raket sınaqları ilə gündəmdə olan KXDR lideri  Trampın qərarı ilə bağlı açıqlamaları ilə Qüds məsələsində özünəməxsus iz qoymuşdu.

Belə ki, Kim Çen In  Trampın Qüdsü  İsrailin paytaxtı kimi tanımasına qarşı çıxarkən «İsrail adlı dövlət var ki, paytaxtı da Qüds olsun», - demişdi.

Şimali Koreyanın  XİN rəhbəri də sionist bir dövləti tanımayacaqlarını  deyərək, Qüdsü Fələstinin paytaxtı kimi qəbul etdiklərini vurğulamışdı. KXDR XİN-in bir nümayəndəsi isə «ağıldan kəm qoca Birləşmiş Millətlərin iclasında  tamamilə müstəqil bir dövləti (Şimali Koreyanı) yox etməkdən danışdığı üçün, bu hərəkətinə də təəccüblənmədik», - demişdi.