Belarus prezidenti Aleksandr Lukaşenko 2017-ci ili analiz edərkən bildirib ki, ölkəsində bu il həyat səviyyəsi gözəl olmasa da, dözümlü olub. FaktXəbər-in "BELTA" agentliyinə istinadən verdiyi məlumata görə, Lukaşenko çıxışında həmçinin deyib ki, geridə qalan il ölkəsi üçün asan keçməyib.

"Biz çox çətin il yaşadıq. Mən təfərrüatları danışmayacağam, çünki ilin sonu və yeni il müraciətimdə bunları qeyd etmişəm. Bu ilin ən önəmli hadisəsi bu olub ki, ötən illərdə arzu etdiyimiz kimi iqtisadiyyatımızda mənfi tendensiyaları aradan qaldıra bilməyimizdir. Bu, bizim cəmiyyətimizdə hər şeyə dərhal təsir edib", -deyə Lukaşenko əlavə edib.

O, həmçinin qeyd edib ki, Belarusda insanların yaxşı yaşaması üçün əlindən gələni edəcək: "Həyatımız gözəl deyil, mən bunu başa düşürəm, amma dözümlüdür. Bu il biz irəliyə addım atmalıyıq ki, daha yuxarı pilləyə qalxaq və həyat tərzimiz dözümlü deyil, normal olsun. Bizdə bunun üçün hər şey var".