Suriyada Bəşşar Əsəd tərəfdarlarının son 2 ayda Dəməşq yaxınlığındakı Şərqi Quta şəhərinə hücumu zamanı 329 dinc sakin həlak olub.

Bu barədə Suriyanın Hüquq Müdafiə Təşkilatları şəbəkəsinin hesabatında bildirilir.

Sənəddə qeyd olunur ki, onlardan 79-u uşaqlar, 54-ü qadınlardır. Hesabata əsasən müxalifətin nəzarəti altında olan Şərqi Qutaya 2017-ci ilin 14 noyabrından 2018-ci ilin 11 yanvarına qədər Əsəd tərəfdarlarının endirdiyi hava zərbələri və quru əməliyyatları nəticəsində 297 nəfər həlak olub. Onlardan 71-i uşaqlar, 41-i qadınlardır.

Həmçinin Rusiya hərbçilərinin endirdiyi zərbələr nəticəsində 8-i uşaq, 24-ü qadın olmaqla, 32 nəfər həlak olub.