Polşa senatı  «Polşa ölüm düşərgəsi» formulirovkasını istifadə edənlərə və Holokostda polyakların iştirakı barədə  məlumat yayanlara cəza nəzərdə tutan qanunu təsdiq edib.Qanuna düzəliş  zamanı  yəhudilərin, rusların  və digər millətlərin nümayəndələrinin kütləvi şəkildə qətlə yetirildiyi  nasist düşərgələrinin Polşaya aid olması barədə ifadələr qadağan edilib.

Belə çıxışlar, həmçinin  nasistlərin  cinayətlərinə görə Polşanın da məsuliyyət daşıdığı barədə iddialara görə 3 ilə qədər azadlıqdan məhrum etmə gözləyir.

Bundan əvvəl qanun Parlamentin Aşağı Palatası tərəfindən  təsdiqlənmişdi.

Qeyd edək ki, yeni qanun  Polşa və İsrail arasında gərginliyə səbəb olub. İsrail XİN-i yanvarın 28-də dərc olunmuş əyanatda Polşa hökumətini qanun layihəsini dəyişdirməyə çağırmışdı. Varşava isə cavabında bəyan edib ki, heç nəyi dəyişmək fikrində deyil  və qanun layihəsinin qəbulunu tezləşdirib.