Evində axtarış aparılan Əbdüssəməd Həmidovun həbs olunması ilə bağlı görüntülər yayılıb. Dağıstanda hökumət rəhbəri vəzifəsini idarə edən Həmidovun həbsini FTX əməkdaşları həyata keçirib.

Ə. Həmidovun evində axtarış aparılarkən qızıl tapança və "Kalaşnikov" avtomomat da tapılıb.

Rusiyanın Federal Təhlükəsizlik Xidmətinin (FTX) əməkdaşları Dağıstan hökumətinin rəhbəri vəzifəsini müvəqqəti icra edən Əbdüssəməd Həmidovun evində axtarış aparıb. FaktXəbər-in verdiyi məlumata görə, bu barədə "RİA Novosti" agentliyi hüquq-mühafizə orqanlarındakı mənbəsinə istinadən xəbər yayıb.

Bildirilir ki, FTX əməkdaşları baş nazirin hər iki müavini Şamil İsayev və Rayudin Yusifovun evində də axtarışa başlayıb.
 
Hazırda Həmidov Dağıstan Respublika üzrə Federal Təhlükəsizlik Xidmətinin binasına gətirilib.
 
Buna qədər yanvarın 25-də Mahaçqalanın meri Musa Musayevə "vəzifə səlahiyyətlərini aşma" maddəsi ilə ittihamı irəli sürülüb.