Humanitar  təşkilatlar qaçqınları qəbul edən Yaxın Şərq və Qərb ölkələrinə ismarıc yollayaraq, onların zorla  Suriyaya qaytarılmasının əlehinə olduqlarını bildiriblər.Könüllülər öz hesabatlarında  hərbi əməliyyatlara görə, evlərini itirmiş sakinlərin  zorla qaytarılmasından narazılıqlarını bildiriblər.

«Müharibənin davam etməsinə baxmayaraq, yüzminlərlə qaçqın 2018-ci ildə zorla geri qaytarırlma risqi ilə üz-üzədir», - deyə CNR və CARE International qurumları daxil olmaqla bir sıra təşkilatlar xəbərdarlıqlar yayıblar və bildirirlər ki, bir sıra ölkələr bu barədə artıq planlaşdırma aparıblar.

«Suriyada hərbi vəziyyətin demək olar ki, dəyişmədiyi bir dönəmdə, qaçqınları qəbul edən ölkələr  2017-ci ilin sonlarında  onları  vətənlərinə geri qaytarma məsələlərinə açıq şəkildə baxmağa başlayıblar.  Müharibə və zorakılıqdan qaçan  suriyalıların bu gün qaytarılması nə təhlükəsiz, nə də könüllü olacaq. Məktəblər və xəstəxanalar işləmir, hətta gərginliyin azaldığı rayonlarda belə insanlar ölür», - deyə hesabatda bildirilir.

Humanitar təşkilatlar Danimarka və Almaniya başda olmaqla Avropa ölkələrinin müzakirə etdiyi qaçqınların, xüsusən uşaqların repatriasiyasından narahatlıqlarını dilə gətiriblər.