Ukrayna prezidenti Pyotr Poroşenko Rusiya və Donbasda saxlanılan ukraynalıların ölkələrinə qayıtmaqları üçün əlindən gələni edəcəyinə dair söz verib.

"Ukraynalı jurnalist Roman Suşenko artıq ikinci ad gününü Rusiyanın istintaq təcridxanasında keçirir. Biz əlimizdən gələni edirik ki, Roman tez bir zamanda Ukraynaya öz ailəsinin yanına qayıtsın. Həmçinin, Rusiya ərazisində, işğal olunmuş Krım və Donbqasdakı ukraynalıların",-deyə Poroşenko Facebook səhifəsində yazıb.
 
Buna qədər Moskva şəhər Məhkəməsi Suşenkonun həbsini iki ay müddətinə uzadıb. O, 2016-ci ilin oktyabrında Moskvada casusluqda şübhəli bilinərək saxlanılıb. Ukraynalı özünü jurnalist adlandırır və ittihamları rədd edir.