Myanma rejimi müsəlman azlığın ölkəni tərk etmələri üçün Rohinqyadan olan kişi, qadın, uşaqları acı saxlamağa, qarət etməyə, oğurlamağa davam edirlər.Amnesty İnternational bu barədə xəbər verib.

Hüquqmühafiə Təşkilatı bildirir ki, ölkədə Rohingyaya qarşı hələ də etnik təmizləmə davam etdirilir.

Belə ki, təşkilat yanvarın sonlarında Banqladeşə təzəlikcə qaçan 19  kişi və qadınla sorğu aparıb. Məlum olub ki, dekabr və yanvar ayı ərzində yenidən minlərlə insanın öz ölkəsini tərk etmək məcburiyyətində qalıb.

Yeni gələnlərin sözlərinə görə, rejim onları ac saxlayıb, bununla da onlar ölkədən qaçmaq məcburiyyətində qalıblar. Belə ki, çəltik sahələrində məhsul yığımı zamanı hərbçilər onları sahələrə buraxmayıb, beləliklə məhsul məhv olub. Həmçinin əsgərlər rohingya müsəlmanlarının ev heyvanlarını, qaramallarını qarət edib, bazarlarını yandırıb və başqa şəhərlərə, kəndlərə yollarını bağlayıb. Bu da rohingya müsəlmanları arasında qıtlığa səbəb olub.

Bundan başqa Myanma rejimi Rakhayn ştatına humanitar yardımı buraxmamaqla vəziyyəti daha da gərginləşdirib.

Amnesty İnternational həmçinin hərbçilər tərəfindən gənc qadın və qızların oğurlanma hallarını da qeydə alıb. Onların cinsi istimara və köləliyə məruz qalması şübhə doğurmur.

Qeyd edək ki, 2017-ci ilin avqust ayında Myanma ordusu  Rohinqyanın mülki vətəndaşlarına qarşı hərbi əməliyyatlarına başlayıb. Humanitar təşkilatların bəyanatlarına görə, həmin əməliyyatlar zamanı hərbçilər insanlığa qarşı cinayət işlətdiblər – qadın, uşaqlar da daxil olmaqla minlərlə insan yandırılmış, zorlanmış, kütləvi şəkildə qətlə yetirmiş, deportasiyaya məcbur edilmişdir. Ötən ilin avqustundan bəri rəsmi mənbələrə görə 688000 rohingyalı öz evlərini tərk etmək məcğburiyyətində qalıb.