Türkiyənin İstanbul şəhər polisi 7 iş adamının həbsini həyata keçirib.Biznesmenlər Fətullah Gülənin təlimatı ilə "Bank Asiya"ya 7 milyon 400 min TL yatırdıqları üçün saxlanılıblar.
 
İstanbul Maliyyə Cinayətlərlə Mübarizə Şöbəsinin apardığı araşdırma zamanı məlum olub ki, İstanbul İxracat İttifaqı 27 yanvar 2014-cü ildə 3 milyon 600 min TL, 17 iyun 2014-cü ildə isə 3 milyon 800 min TL banka maliyyə yatırıb.

Saxlanılan iş adamlarının hamısı ittifaqın üzvləridir. Onların arasında ittifaqın rəhbəri Zəkəriyyə Mete də var.

İstanbul polisi əlavə olaraq 1 nəfərin həbs olunması üçün axtarışların davam etdiyini bildirib.