ABŞ prezidenti Donald Tramp Türkiyənin Rusiya və İranla münasibətlərinin daha da inkişaf etməməsi üçün diplomatik səylərini artırıb.Bu barədə "Wall Street Journal" yazıb.

Nəşrin yazdığına əsasən, Vaşinqton Türkiyə ilə əlaqələri ona görə bərpa edir ki, Ankara-Moskova-Tehran ittifaqını dağıltmağı qarşısına əsas məqsəd qoyub.

Ankara ilə aparılan danışıqlarda milli təhlükəsizlik müşaviri Herbert Raymond Makmaster, dövlət katibi Reks Tillerson və müdafiə naziri Ceyms Mettis kimi ABŞ-ın yüksəkçinli rəsmiləri iştirak edib və onlar Türiyəyə səfər edərək Ərdoğan hökumətinə yeni vədlər veriblər.

ABŞ rəsmiləri Rəcəb Tayyib Ərdoğana Moskva və Tehranla münasibətləri pozmaq qarşılığında İranla müttəfiqlərinin Suriyadan çıxarılması məsələsində öz yardımı təklif edib.