Almaniyanın Hohenzollern sülaləsindən olan şahzadə Karlos Patrik Hodxard Frankfurtda 39 yaşında ölüb. Məlumata görə, o, lyuks Intercontinental otelinin 21-ci mərtəbəsindən yıxılıb. Nə baş verdiyi hələ məlum deyil, ancaq ehtimal edilir ki, şahzadə intihar edib.

Bildirilir ki, Karlos Patrik Hodxard dələduzluq ittihamı ilə yatdığı həbsxanadan bazar günü istirahəti üçün çıxıbmış. Onun məhbusluq həyatı iyul ayında bitəcəkdi.

Şahzadə Karlos incəsənət əsərlərinin kolliksioneri olan atasının çoxmilyonluq sərvətinə sahib idi.

O, 2014-cü ildə həqiqətdə mbvcud olmayan çoxmilyonluq fondlarla əlaqədar cinayət məsuliyyətinə cəlb olunmuşdu.