Estoniya, Latviya və Litvanın xarici işlər nazirləri Vaşinqtonda ABŞ-ın dövlət katibi Reks Tillersonla görüş keçiriblər.Bu barədə Estoniya XİN-in saytında bildirilir.

Görüş zamanı tərəflər Avropa və transatlantik münasibətlərin təhlükəsizliyini müzakirə ediblər.
 
"Şübhə yoxdur ki, ABŞ-la Baltikyanı ölkələr arasında əlaqələr davam etdirilməlidir. Biz şadıq ki, ABŞ-ın yeni milli təhlükəsizlik strategiyası NATO-nun şərq qanadının gücləndirilməsinə yönəlib",-deyə  Estoniya XİN rəhbəri Sven Mikseri vurğulayıb.
 
Bundan başqa, görüş zamanı NATO sammitinə hazırlıq və Donald Trampla Baltikyanı ölkələrin rəhbərlərinin görüşü müzakirə olunub.