Pekin rəhbərliyi Cənubi Koreya və Şimali Koreya liderlərinin birgə sammit qərarına münasibət bildirib.

Çin Xarici İşlər Nazirliyinin sözçüsü Genq Şuanq gələn ayın sonunda liderlərin sammit keçirmək məsələsində razılığa gəlməsindən məmnunluq duyduqlarını bildirib.

Şuanq tərəflərdən əməkdaşlıq üçün səylərin davam etdirilməsini gözlədiklərini söyləyib.

Çinin Koreya yarımadasına yaxın bir qonşu olduğunu deyən Şuanq iki ölkə arasında əlaqələrin inkişafı üçün yardıma hazır olduqlarını da söyləyib.

Qeyd edək ki, Seul və Pxenyan rəhbərlikləri aprel ayının sonunda iki ölkə sərhədindəki Panmunjeomda - təhlükəsizlik zonasında zirvə görüşünün həyata keçirilməsini qərarlaşdırıb.